Popular Bible Verses from Malivi 26

Share

Ni ta ba Mulimu wa mina, mi mina mu ta ba batu ba ka.

Mi cwale ni ta mi neliseza pula ka nako ya teñi, ili kuli naha i melise lico, ni kuli likota li beye miselo.

“Mina a mu pile ka ku latelela milao ya ka ni ku utwa litaelo za ka.

“Ni ta mi fa kozo mwa naha ya mina, mi mu ta pila hande mu sa sabi mutu ni yo mukana. Ni ta zwisa libatana ze maswe ze bulaya kaufela mwa naha, mi hape ha ku sa na ku ba ni ndwa mwateñi ni kamuta.

Ni ta mi tohonolofaza ni ku mi atisa. Ni ta buluka bulikani bo ni itamile ni mina.

Na, Muñ'a Bupilo, Mulimu wa mina, ni mi zwisize mwa Egepita kuli mu si ke mwa ba batanga ni kamuta. Ni felisize maata a n'a mi tamile, mi ni mi lukuluzi kuli mane mu kone ku izamaela hande mu nze mu lukuluhile.”

Ni ta ina ni mina mwa Tende ya ka ye Kenile ye mwahal'a mina, mi ha ni na ku mi nyikwa.

Muñ'a Bupilo a li, “Mu si ke mwa eza maswaniso kamba lika ze bupilwe kapa ku betwa, ze cwaleka misumo ya macwe, kapa macwe a betilwe, kuli mu li lapele. Ki na Muñ'a Bupilo, Mulimu wa mina.

Likutulo za mina li ta ba ze ñata hahulu kuli mane li ta feza silimo, mi nihakulicwalo mu ka sulula tuku, ili ku siyela ze nca sibaka.

Batu baketalizoho feela ku mina ba ta kona ku tula lila ze mwanda, mi ba ku mina ba mwanda ba ta kona ku tula lila ze likiti ze lishumi.

Lico za mina li ta ba ze ñata hahulu kuli mane mu ka be mu sa kutula mabele ka nako ya ku koyaula miselo ya veine, ni ku nopa miselo ya veine ka nako ya ku cala masimu. Mu ta fumana lico ze mu tokwa kaufela, mi mu ta pila hande mwa naha ya mina.

Mu ka tula lila za mina.

Mu buluke la Pumulo, mi mu kuteke Tende ya ka ye Kenile. Ki na Muñ'a Bupilo.