Popular Bible Verses from Mututo 32

Share

Batu ha ba bona kuli Mushe n'a inzi nako ye telele fa lilundu a sa kuti, ba t'o kubukana ku Aruni, mi ba li ku yena, “Taha, u lu ezeze mulimu ya ka lu etelela, kakuli ha lu zibi se si tahezi Mushe, mutu yo ya lu zwisize mwa Egepita.”

Muñ'a Bupilo a li ku Mushe, “Akufa, u shetumuke kapili, kakuli batu ba hao, b'o etelezi ku ba zwisa mwa Egepita, ba itompolozi. Ki kale ba zwa mwa nzila ye ni ba laezi kuli ba zamaye ka yona. Ba se ba ikezelize namani ye shengunukisizwe, ya gauda, mane se ba i lapela ni ku i ezeza litabelo. Ba ize, ‘Maisilaele, mulimu wa mina ki yo, ya mi zwisize mwa Egepita.’ ”

Aruni h'a bona cwalo, a yaha katala fapil'a namani ya gauda. Kihona a zibisa batu, a li, “Kamuso ku ta ba ni mukiti wa ku hupula Muñ'a Bupilo.” Habusa kakusasa, ba eza litabelo za ku cisa, mi ba tisa limunanu za mpo ya buitumelo. Batu ba ina fafasi, ba ca, ba nwa, mi cwale ba yema ba bina.

Habusa Mushe a li kwa sicaba, “Mu ezize sibi se si maswe. Kono cwale, ni ta kambama fa lilundu, ni ye ku Muñ'a Bupilo. Mwendi ni ka mi fumanela swalelo ya sibi sa mina.”