Popular Bible Verses from Likezo 4

Share

Ku piliswa ku fumanwa ku yena feela a nosi, kakuli ha ku na nihaili a li muñwi feela mwa lifasi kaufela wa libizo le li filwe ki Mulimu kwa batu kuli ka lona lu kone ku piliswa.”

Ha ba se ba felize ku lapela, sibaka mo ne ba kopanezi sa nyanganya. Kaufel'a bona ba tala Moya o Kenile, mi ba kala ku bulela linzwi la Mulimu ka bundume.

Cwale Mulena, lemuha mifumbo ye ba eza, mi u lu lumelele, luna batanga ba hao, ku bulelela batu linzwi la hao ka bundume.

Jesu ki yena ya bulelwa mwa Mañolo kuli, ‘Licwe le li nyazizwe ki mina bayahi, li fetuhile licwe la butokwa kwa lilulu.’

Ba ba mwa Kuta kaufela, ba komokiswa ki ku bona bundume bwa bo Pitrosi ni Joani, kanti ba ziba kuli ki batu feela ba ba si ka ituta. Ba lemuha hande kuli ne li balikani ba Jesu.

Buñata bwa ba ba lumezi ne ba li pilu i liñwi, ni moya u li muñwi feela. Ne ku si na ya n'a bulela kuli z'a n'a luile ne li za hae feela, kono, ne ba ikabela ze ne ba na ni zona kaufela mwahal'a bona.