Popular Bible Verses from 2 Bakorinte 9

Share

Mulimu u na ni maata a ku mi fa za mifuta-futa ka buñata kuli kamita mu be ni ze mu tokwa kaufela, mane mu siyalelwe ki se si ta mi konisa ku peta misebezi ye minde kamukana.

Hakulicwalo, yo muñwi ni yo muñwi a fe sina mw'a hupulezi, isiñi ka ku honona kamba ku hapelezwa, kakuli Mulimu u lata ya fana ka tabo.

Mu hupule kuli ya cala hanyinyani, u ta kutula hanyinyani. Ya cala hahulu, u ta kutula hahulu.

Mulimu ya abela balimi peu ni buhobe bwa ku ca, u ta mi fa ni mina peu kaufela ye mu tokwa, mi u ta i hulisa, kuli bufani bwa mina bu ate. U ta mi fumisa kuli mu kone ku tusa ka linako kaufela, ni kuli ba bañata ba itumele ku Mulimu ka limpo ze mu fana ka luna.

Ku iswe buitumelo ku Mulimu ka mpo ya hae ye sa konwi ku taluswa!