Popular Bible Verses from 2 Bakorinte 5

Share

Mutu h'a li ku Kreste, u s'a li sibupiwa se sinca. Sa kale si felile, mi se ku tile se sinca.

Kreste n'a si na sibi, kono Mulimu u ezize kuli a itwese libi za luna kuli, ka yena, lu kone ku ba ba ba lukile fapil'a hae.

Kono lu zamaya ka tumelo, isiñi ka ku bona.

Zeo kaufela li zwa ku Mulimu ya lu kutiselize ku yena ka Kreste, mi ya lu file musebezi wa ku kutiseza ba bañwi ku yena. Ka Kreste, Mulimu n'a bata ku kutiseza batu kamukana ku yena, a sa bali milatu ya bona. Mi u lu file musebezi wa ku luta batu mukwa wa ku kutisana ni yena.

Cwalehe, ha lu bulela, ki ka libizo la Kreste, inge Mulimu kasibili ha n'a ka mi biza ka luna. Lwa mi kupa ka libizo la Kreste, lu li, mu kutisane ni Mulimu.

U shwezi batu kaufela kuli ba ba pila ba si ke ba ipilela ili bona feela, kono ba pilele yena ya n'a shwile mi a zuhile kwa bafu kabakala bona. Kabakaleo, ha lu sa bona mutu ka mukwa wo batu ba mu nga ka ona, nihaike ka nako ye ñwi Kreste lu mu ngile cwalo. Kono ha lu sa eza cwalo.

Lu swelwi ki lilato la Kreste, luna ba ba kolwa kuli a li muñwi feela h'a shwezi batu kamukana, bona bao kaufela ba na ni kabelo mwa lifu la hae.