Popular Bible Verses from 1 Bakorinte 12

Share

Moya u iponahaza ku mutu ni mutu ka mpo ye swanezi ku tusa batu kaufela.

Kaufel'a mina mu mubili wa Kreste, mi yo muñwi ni yo muñwi wa mina ki silama sa ona.

Haiba silama se siñwi sa mubili si katazeha, lilama ze ñwi kaufela li katazeha hamoho ni sona. Haiba se siñwi si lumbwa, kamukan'a zona li taba ni sona.

Moya u fa yo muñwi mpo ya ku bulela ka butali, mi i sa li ona o' fa yo muñwi mpo ya ku bulela ka zibo. I sa li ona Moya wo, o fa yo muñwi tumelo, ni yo muñwi maata a ku folisa bakuli. Moya u fa mutu yo muñwi maata a ku eza limakazo. Kono ku yo muñwi ki mpo ya ku bulela linzwi la Mulimu, mi ku yo muñwi hape ki taluhanyo ya ku bona fapahano mwa limpo ze zwa kwa Moya ni ze sa zwi ku ona. Yo muñwi u fiwa zibo ya ku bulela ka manzwi a komokisa, mi yo muñwi, yena, zibo ya ku talusa manzwi ao.

Kono i sa li ona Moya wo, u li muñwi, o' eza zeo kaufela. U fa mutu ni mutu mpo ka m'o latela ona.

Kamukwaocwalo, ha ku na likalulo mwa mubili, kono lilama ka kakalezo za babalelana kamukana.

Ku na ni limpo za moya ze ñata ze fapahani, kono li fanwa ki Moya u li muñwi kaufel'a zona. Ku na ni mikwa ye miñata ye fapahani ya ku sebeleza Mulena, kono Mulena ya sebelezwa ki a li muñwi. Ku na ni misebelezo ye miñata ye fapahani, kono i sa li yena Mulimu ya fa mutu ni mutu maata a ku i kondisa kamukana.

Kamukwaocwalo, mwa Keleke, Mulimu u beile mwa sibaka sa pili baapositola, mwa sibaka sa bubeli bapolofita, mi mwa sibaka sa bulalu baluti. Kihona ku taha ba ba eza limakazo, ba ba filwe maata a ku folisa, kamba ku tusa ba bañwi, ba ba busa, ni ba ba kona ku bulela lipuo za mifuta-futa.

Mubili ha u si ka eziwa ka silama si li siñwi, kono ka lilama ze ñata.

Batili, mane lilama za mubili ze bonahala ku fokola, ki zona za butokwa luli.

Ha i ne i ka ba kuli mubili kaufela ki liito li li liñwi, u n'o ka utwa cwañi? Mi ha i ne i ka ba kuli ki zebe feela, u n'o ka lupelela cwañi? Cwale, sina mo ku inezi, Mulimu u beile lilama kaufela mwa mubili ka mw'a latezi. I ne i si ke ya ba mubili ha i ne i ka ba kuli ki silama si li siñwi feela!