Popular Bible Verses from ad Romanos 14

Share

Non est enim regnum Dei esca et potus : sed justitia, et pax, et gaudium in Spiritu Sancto : qui enim in hoc servit Christo, placet Deo, et probatus est hominibus.

Sive enim vivemus, Domino vivimus : sive morimur, Domino morimur. Sive ergo vivimus, sive morimur, Domini sumus.

Itaque quæ pacis sunt, sectemur : et quæ ædificationis sunt, in invicem custodiamus.

Non ergo amplius invicem judicemus : sed hoc judicate magis, ne ponatis offendiculum fratri, vel scandalum.

Scriptum est enim : Vivo ego, dicit Dominus, quoniam mihi flectetur omne genu : et omnis lingua confitebitur Deo. Itaque unusquisque nostrum pro se rationem reddet Deo.

Infirmum autem in fide assumite, non in disceptationibus cogitationum.

Tu quis es, qui judicas alienum servum ? domino suo stat, aut cadit : stabit autem : potens est enim Deus statuere illum.