Popular Bible Verses from Proverbia 22

Share

Proverbium est : adolescens juxta viam suam ; etiam cum senuerit, non recedet ab ea.

Finis modestiæ timor Domini, divitiæ, et gloria, et vita.

Melius est nomen bonum quam divitiæ multæ ; super argentum et aurum gratia bona.

Noli esse amicus homini iracundo, neque ambules cum viro furioso

Qui pronus est ad misericordiam benedicetur : de panibus enim suis dedit pauperi. Victoriam et honorem acquiret qui dat munera ; animam autem aufert accipientium.

Callidus vidit malum, et abscondit se ; innocens pertransiit, et afflictus est damno.

Dives pauperibus imperat, et qui accipit mutuum servus est fœnerantis.

Dives et pauper obviaverunt sibi : utriusque operator est Dominus.

Non facias violentiam pauperi quia pauper est, neque conteras egenum in porta : quia judicabit Dominus causam ejus, et configet eos qui confixerunt animam ejus.