Popular Bible Verses from Proverbia 18

Share

Mors et vita in manu linguæ ; qui diligunt eam comedent fructus ejus.

Turris fortissima nomen Domini ; ad ipsum currit justus, et exaltabitur.

Vir amabilis ad societatem magis amicus erit quam frater.

Qui invenit mulierem bonam invenit bonum, et hauriet jucunditatem a Domino. Qui expellit mulierem bonam expellit bonum ; qui autem tenet adulteram stultus est et impius.

Qui prius respondet quam audiat, stultum se esse demonstrat, et confusione dignum.

Non recipit stultus verba prudentiæ, nisi ea dixeris quæ versantur in corde ejus.

Antequam conteratur, exaltatur cor hominis, et antequam glorificetur, humiliatur.