Popular Bible Verses from Proverbia 10

Share

Benedictio Domini divites facit, nec sociabitur eis afflictio.

In multiloquio non deerit peccatum, qui autem moderatur labia sua prudentissimus est.

Odium suscitat rixas, et universa delicta operit caritas.

Egestatem operata est manus remissa ; manus autem fortium divitias parat. Qui nititur mendaciis, hic pascit ventos ; idem autem ipse sequitur aves volantes.

Via vitæ custodienti disciplinam ; qui autem increpationes relinquit, errat.

Qui ambulat simpliciter ambulat confidenter ; qui autem depravat vias suas manifestus erit.

Timor Domini apponet dies, et anni impiorum breviabuntur.

Non affliget Dominus fame animam justi, et insidias impiorum subvertet.

Quasi tempestas transiens non erit impius ; justus autem quasi fundamentum sempiternum.