Popular Bible Verses from Matthæus 10

Share

Ecce ego mitto vos sicut oves in medio luporum. Estote ergo prudentes sicut serpentes, et simplices sicut columbæ.

Qui invenit animam suam, perdet illam : et qui perdiderit animam suam propter me, inveniet eam.

Et nolite timere eos qui occidunt corpus, animam autem non possunt occidere : sed potius timete eum, qui potest et animam et corpus perdere in gehennam.

Et qui non accipit crucem suam, et sequitur me, non est me dignus.

Omnis ergo qui confitebitur me coram hominibus, confitebor et ego eum coram Patre meo, qui in cælis est. Qui autem negaverit me coram hominibus, negabo et ego eum coram Patre meo, qui in cælis est.

Infirmos curate, mortuos suscitate, leprosos mundate, dæmones ejicite : gratis accepistis, gratis date.

Nolite ergo timere : multis passeribus meliores estis vos.

Nolite arbitrari quia pacem venerim mittere in terram : non veni pacem mittere, sed gladium