Popular Bible Verses from Proverbionan 3

Share

Konfia den SEÑOR ku henter bo kurason i no sea tèrko. Tene kuenta kunÉ den tur loke bo hasi i lo E mustra bo e kaminda korekto.

Stòp ku terkedat, respetá SEÑOR i bira lomba pa maldat.

Honra SEÑOR ku ofrendanan for di tur loke bo ta poseé, dun'É e mihó parti di bo kosecha. E ora ei bo mangasinanan lo yena kankan i bo bakinan di fangu biña lo yena te basha afó.

Sòru pa semper bo ta fiel i ta papia bèrdat; bisti fieldat i bèrdat manera un kadena na bo garganta, graba nan den bo mente.

No despresiá korekshon ku bini di SEÑOR, i no disgustá ora E kastigá bo. Pasobra SEÑOR ta koregí esun ku E ta stima, meskos ku un tata ta koregí su yu stimá.

Mi yu, no lubidá loke mi ta siña bo, atené bo na mi mandamentunan. E ora ei lo bo tin un bida dushi, un bida largu i felis.

Felis esun ku haña sabiduria i optené inteligensia. Pasobra sabiduria ta mas benefisioso ku plata i ta hasi bo mas riku ku oro por hasi bo. E tin mas balor ku piedra presioso; maske kiko hende antohá, kompará ku sabiduria e ta ñaña.

Ora ta dependé di bo, no retené kos bon for di esnan ku meres'é.

Pasobra ku sabiduria SEÑOR a konstruí mundu, ku inteligensia El a traha shelu.