Popular Bible Verses from Filipensenan 2

Share

No hasi nada pa ambishon egoista, ni buya barata, ma sea humilde i konsiderá e otro di ta mas ku bo. No fiha solamente riba boso kada un su mes interes, sino riba esun di e otro tambe.

Boso mester tin e mesun aktitut ku Kristu-Hesus tabatin

Ounke E tabata meskos ku Dios, E no ker a para riba su derecho di keda igual na Dios. Nò, El a pone esei un banda; El a bira meskos ku un katibu, i a bira igual na hende. I ora El a aparesé komo hende, El a humiliá su mes i a bira obedesidu te na morto, sí, morto na krus.

Pasobra Dios ta Esun ku ta traha den boso pa hasi boso kapas, no solamente pa deseá loke ta kuadra ku su boluntat, ma di kumpli kuné tambe.

P'esei Dios a als'É na e lugá di mas altu i a dun'É e nòmber ku ta riba tur otro nòmber. Pa asina na honor di nòmber di Hesus tur kriatura dobla nan rudia, tantu esnan den shelu, komo esnan riba tera i den e mundu bou di tera. I nan tur konfesá ku Hesu-Kristu ta Señor, pa gloria di Dios Tata.

Hasi tur kos sin murmurá i sin diskutí, pa niun hende no tin nada di remarká di boso i pa boso ta inosente, yu sin mancha di Dios ku ta biba meimei di hende korumpí i perverso. Meimei di nan boso ta bria manera strea na shelu

Amigunan stimá, boso a obedesé mi semper. P'esei sigui traha ku temor i rèspèt pa boso salbashon tin resultado konkreto den boso bida, no solamente manera boso tabata hasi ora mi tabat'ei, ma awor mas ku nunka den mi ousensia.