Popular Bible Verses from Huan 10

Un ladron no ta bin hasi nada otro ku hòrta, mata i destruí. Ami a bini pa duna bida, bida na abundansia.

Ami ta e bon wardadó; un bon wardadó ta entregá su bida pa su karnénan.

Mi karnénan ta skucha mi stèm; Ami konosé nan i nan ta sigui Mi.

Ami ta duna nan bida eterno i nunka nan lo no bai pèrdí; niun hende no por ranka nan kita for di mi man.

Ami ta e porta; ken ku drenta paden via Ami, lo haña salbashon; lo e drenta paden i ora e sali, e ta haña kunuku di yerba bèrdè.

Ami ta e bon wardadó; Mi konosé mi karnénan i nan konosé Mi.

Mi Tata ku a duna Mi nan, ta mas grandi ku tur i niun hende no por ranka nan kita for di man di mi Tata. Ami ku mi Tata ta un!’

Meskos tambe Mi konosé mi Tata i mi Tata konosé Mi; Mi ta entregá mi bida pa mi karnénan.

Niun hende no ta kita mi bida for di Mi; Mi ta entreg'é di mi mes boluntat. Mi tin poder pa entreg'é i poder pa tum'é bèk. T'esaki mi Tata a manda Mi hasi.’

Hesus a sigui bisa: ‘Mi ta sigurá boso: Ami ta e porta pa e karnénan.

Un hende ku ta risibí pago no ta un wardadó ni ta doño di e karnénan. Ora e mira un lobo ta aserká, e ta bandoná e karnénan i baha na katuna. E ora ei e lobo ta hòrta e karnénan i plama nan for di otro.

Hesus a sigui bisa: ‘Mi ta sigurá boso: esun ku no drenta kurá di karné di porta, ma bula drenta di otro kaminda, ta un ladron i bandidu.