Popular Bible Verses from Huesnan 7

Share

SEÑOR a bisa Gideon: ‘Bo tin asina tantu hende serka bo, ku si Mi laga e israelitanan derotá e midianitanan, nan por duna nan mes e honor i pensa ku ta riba nan mes forsa nan a libra nan mes.

E ora ei SEÑOR a bisa Gideon: ‘Ku e 300 hòmbernan akí Mi ta bai salba Israel i laga bo derotá e midianitanan. E otronan por bai kas numa.’

P'esei bisa tur hende: “Esun ku tin miedu i ta tembla, por sali for di seru Guilead i bai kas numa.” ’ Asin'ei 22.000 hòmber a bai bèk i a sobra 10.000.

Pero SEÑOR a bisa Gideon: ‘Ainda tin di mas. Bai ku nan pa nan bebe awa i aya Mi ta skohe den nan. E ora ei lo Mi bisa bo ken ta bai ku bo, ken no.’

Gideon a bai ku su hendenan pa nan bebe awa i SEÑOR a bis'é: ‘Wak tur esnan ku ta lembe e awa manera kachó. Eseinan bo ta separá for di esnan ku ta hinka rudia pa bebe awa.’ Tabatin 300 hòmber ku a pone man na nan boka i lembe e awa. Tur sobrá tabata hinka rudia pa nan bebe awa.