Popular Bible Verses from Hakobo 3

Share

Esnan ku tin e sabiduria ku ta bini di Dios, na promé lugá ta hiba un bida puru. Tambe nan ta hende ku ta trese pas, hende amabel, habrí pa tende, yená ku kompashon, sin prehuisio òf hipokresia, i nan ta produsí un kosecha di bon obra.

Kua di boso tin sabiduria i komprondementu? Lag'é demostrá esei pa medio di su bon kondukta i obranan ku ta mustra e humildat ku sabiduria ta duna.

Hende di pas ta sembra pas promé, pa despues nan kosechá su frutanan, esta un kondukta ku ta agradá Dios.

Kaminda tin hende ta envidiá otro i ta aktua motivá pa ambishon egoista, tin desòrdu i tur sorto di maldat.

Nos ta us'é pa alabá nos Señor i Tata, i tambe pa maldishoná hende, ku ta kreá segun imágen di Dios. Palabra di alabansa i di maldishon ta brota for di e mesun boka; rumannan, esei no por!

Wèl, lenga di hende ta manera chispa! Tin un mundu di maldat skondí tras di dje; e ta e parti ku ta kontaminá nos kurpa kompletamente. E ta sende henter kurso di nos eksistensia na kandela; anto e mes, ta fièrnu ta send'é!

Pero lenga sí nunka niun hende no por a dominá; lenga ta malbado, inkontrolabel i yená ku venenu mortal.

Mi rumannan, mira pa no ta boso tur ke bira maestro, pasobra manera boso mes sa, lo husga nos ku ta maestro mas severo ku e otronan.