Popular Bible Verses from 2 Reinan 4

Share

Eliseo a puntr'é: ‘Kiko mi por hasi pa bo? Bisa mi, kiko bo tin den kas?’ E señora a rospond'é: ‘Bo sirbidó no tin nada mas den kas sino un butishi chikí ku zeta di oleifi.’

Un dia biuda di un di e profetanan a pidi Eliseo pa yud'é. El a bis'é: ‘Señor profeta, mi kasá a muri i manera bo sa e tabata un fiel sirbidó di Dios. Awor a bini un hende ku mi debe i e ke bai ku mi dos yunan komo katibu.’

Eliseo a bis'é: ‘Bai pidi bo bisiñanan fia bo mes tantu tinashi bashí ku bo por haña.

Drenta bo kas ku bo yunan, sera e porta i yena tur e tinashinan ei ku zeta. Pone e tinashi ku ta yen un banda.’

Ora e tinashinan tabata yen, el a pidi un di su yunan trese un tinashi bashí mas p'e. ‘No tin mas,’ e yu a kontestá. Mesora e zeta a stòp di kore.

E muhé a bai konta e hòmber di Dios. E hòmber a bisa: ‘Bai bende e zeta i paga bo debe. Abo i bo yunan por biba di loke sobra.’

E muhé a bai for di Eliseo, drenta kas ku su yunan i sera porta. E yunan tabata pasa e tinashinan bashí p'e i e tabata yena un tras di otro.

Despues el a kai drumi riba e mucha, pone boka riba su boka, wowo riba su wowo, man riba su man, i pasobra e tabata drumí riba e mucha, kurpa di e mucha a kuminsá bira kayente.