Popular Bible Verses from Ɖɛhan 66

Share

Ényí ayixa nyanya ɖé kó ɖo xo ce mɛ wɛ ɔ́, Aklúnɔ ná yí ɖɛ ce ǎ.

Un dó kú nú Mawu. É dó tókúse ɖɛ e xo wɛ un ɖe lɛ́ɛ mɛ ǎ; é ɖe xomɛnyínyɔ́ tɔn sín wǔ ce ǎ.

Mi ɖɔ n'i ɖɔ: “Mawu, nɛ̌ nǔwiwa towe lɛ́ɛ ká dó xɛsi sɔ nɛ́! Hlɔ̌nhlɔ́n towe d'agba sɔ mɔ̌, bɔ kɛntɔ́ towe lɛ́ɛ nɔ́ wá jɛ kpo ɖo asá towe mɛ kpó xɛsi kpó.

Hanjigbɛ́gán ɔ́ sín hanjiwéma mɛ wɛ han élɔ́ ɖe. Mi mɛ e ɖo ayǐkúngban ɔ́ jí lɛ́ɛ bǐ ní kpa awǒbóbó nú Mawu. Mi ɖɔ xó lómílómí dó sɔ́ nyǐkɔ tɔn su dó han mɛ. Mi kpa susu nú Mawu dó sɔ́ ɛ su.

Mawu ce, a dǒ mǐ kpɔ́n. A xo zo dó mǐ kpatágan ɖɔhun.

Mi mɛ e ɖó sísí nú Mawu lɛ́ɛ e mi, mi bǐ wá ɖótó bó se; mi wá má kpi tan nú mi; má ɖɔ nǔ e Mawu wa nú mì lɛ́ɛ nú mi ná se.