Popular Bible Verses from Ɖɛhan 51

Share

Đɔ nú mì ɖɔ émí sɔ́ hwɛ kɛ mì, énɛ́ ɔ́, xomɛ ná hun mì bó ná túnflá, bɔ xú e a cɛ́ dó lanmɛ nú mì lɛ́ɛ lɔ ná ɖú we.

Mawu ce, sɔ́ ayi mímɛ́ dó xomɛ nú mì; lɛ̌ vɔ́ ayixa ce bló ɖó, bónú ayixa ce ní lí dǒ ganjí.

Đe nukún sín hwɛ e un hu lɛ́ɛ wú, súnsún nǔ e un wa nyi do lɛ́ɛ bǐ síin.

Aklúnɔ, hun ɖɛ̌ nú mì, bónú má sɔ́ nu ce dó kpa susu nú we.

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Hwenu e Davídi ɖó xó xá Bɛtisabe Ulíi sín asi, bɔ Mawu sɛ́ gbeyíɖɔ tɔn Natáan dó gɔ̌n tɔn é wú wɛ han élɔ́ ɖɔ xó dó.

Sín hwenu e è ji mì ɔ́ wɛ hwɛhuhu sín alɔxwixwí kó ɖo wǔ ce, bó ɖo wǔ ce sín nɔ ce xomɛ. Ée è dǒ xo ce é jɛ́n hwɛhuhu tɔ́ dó wǔ ce.

Lɛ nǔ e un wa nyi do lɛ́ɛ bǐ sín kɔ nú mì, slá wǔ nú mì bónú hwɛ e un hu ɔ́ ná gosín kɔ ce.