Popular Bible Verses from Ɖɛhan 40

Share

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Mawu Mavɔmavɔ wɛ un ɖo te kpɔ́n, bɔ é nyi kɔ kpɔ́n mì, bó se xó e sú ylɔ́ ɛ wɛ un ɖe é.

É ɖe mì sín do e mɛ è nɔ jɛ bó nɔ́ dɔn ɔ́ mɛ; é ɖe mì sín babá glɔ́; é sɔ́ mì xwe afɔ te ɖó só jí; é bló bɔ un nɔ tɛ afɔ ayǐ bó nɔ́ gó.

É zé han yɔ̌yɔ́ ɖé dó nu nú mì; han ɖé wɛ bó nɔ́ kpa susu nú Mawu mǐtɔn. Mɛ gěgé ná se bó ná ɖó sísí nú Mawu Mavɔmavɔ, lobo ná zé yěɖée jó n'i.

Énɛ́ ɔ́ wú wɛ un ɖɔ: “Nyi ɖíe ja e; un hɛn wěma e ɖɔ xó dó wǔ ce ɔ́ bó ja.”

Hwɛjijɔ towe ɔ́, un sɔ́ hwlá dó ayi ce mɛ ǎ Un ɖo xó sú wɛ, bó ɖo lě e a ɖo gbejí gbɔn ɔ́ ɖɔ wɛ; un ɖo lě e a hwlɛ̌n mì gbɔn é ɖɔ wɛ. Un sɔ́ xomɛnyínyɔ́ towe kpó gbejíninɔ towe kpó hwlá dó agun ɖaxó ɔ́ ǎ.