Popular Bible Verses from Ɖɛhan 37

Share

Sɔ́ Mawu Mavɔmavɔ dó ɖó nǔ e víví nú we hú nǔ bǐ é; énɛ́ ɔ́, é ná ná nǔ e ɖo hǔn mɛ nú we lɛ́ɛ we.

Sɔ́ gbɛ towe jó nú Mawu Mavɔmavɔ, gǎn jɛ wǔ tɔn, é ná wa azɔ̌ tɔn.

Tin xwíí ɖo Mawu Mavɔmavɔ nukɔn, bó nɔ te kpɔ́n ɛ, ma hwlɛ́n dó ó. Ma sin xomɛ dó mɛ e lɛ́n nǔɖé ɔ́, é nɔ́ kpé wú ɔ́ ó, ma sin xomɛ dó mɛ e nɔ ɖo ayi wínníwínní zán wɛ ɔ́ ó.

Đe ji dó Mawu Mavɔmavɔ wú, bó nɔ wa ɖagbe; nɔ to ɔ́ mɛ, bó ná mɔ fífá.

Mɛ ɖé sín walɔ nyɔ́ Mawu Mavɔmavɔ nukún mɛ ɔ́, é nɔ́ bló bɔ mɛ ɔ́ nɔ́ yi nukɔn ɖo gbɛzán tɔn mɛ kpó jiɖiɖe kpó. É ná bo j'ayǐ ɔ́, é nɔ́ cí kɔ́ mɛ ǎ, ɖó Mawu Mavɔmavɔ nɔ hɛn alɔ tɔn, bó nɔ́ sɔ́ ɛ sí te.

É ná ɖe hwɛjijɔ towe xlɛ́ hwe tɔ́n ɖɔhun; é ná ɖe nǔjlɔ́jlɔ́wiwa towe xlɛ́, bɔ mɛ bǐ ná mɔ hwe ɖo hwǎn ɖɔhun.

Jǒ xomɛsin dó, jǒ hunnylánylá dó, ma sin xomɛ ó, a táá wa nǔ nyi do.

Un ko nɔ dɔ̌nkpɛ mɛ kpɔ́n có bó wá kpo din; un ka mɔ Mawu jó hwɛjijɔnɔ lɛ́ɛ dó kpɔ́n ǎ, un ka mɔ vǐ yětɔn lɛ́ɛ ɖě byɔ́ nǔ ɖu kpɔ́n ǎ.

Davídi sín han. Ma sin xomɛ dó mɛdídá lɛ́ɛ ó, ma jló mɛ e nɔ wa nǔ nyanya lɛ́ɛ sín gbɛ ó