Popular Bible Verses from Ɖɛhan 27

Share

Đǒ nukún Mawu Mavɔmavɔ, dǒ gǎn, kpan akɔ́n, ɖǒ nukún Mawu Mavɔmavɔ.

Nǔ ɖokpó géé wɛ un nɔ byɔ́ Mawu Mavɔmavɔ, bɔ é ká myá nukún nú mì ɖésú; é wɛ nyí ɖɔ má nɔ́ nɔ xwé tɔn gbe nú gbɛ hwenu ce bǐ, bó ná nɔ́ kpɔ́n lě e é nyɔ́ xomɛ sɔ é, bó ná nɔ́ kpɔ́n lě e nɔtɛn tɔn nyɔ́ sɔ é.

Davídi sín han. Mawu Mavɔmavɔ wɛ nyí wěziza ce, bó nyí mɛhwlɛ́ngántɔ́ ce; mɛ̌ un ka ná ɖi xɛsi ná? Mawu Mavɔmavɔ lɔmɛ wɛ gbɛ ce ɖe; mɛ̌ un ka ná hɔn ná?

Nú un ma ka gán jɛ wú ɖɔ un ná mɔ xomɛnyínyɔ́ Mawu Mavɔmavɔ tɔn ɖo ayǐkúngban jí fí ǎ ɔ́, nɛ̌ gbɛ ce ka ná cí?

Đó azǎn nyanya gbe ɔ́, é ná cyɔ́n alɔ jǐ ce ɖo xɔ tɔn sá, é ná sɔ́ mì hwlá ɖó goxɔ tɔn sá, é ná sɔ́ mì yi ɖó só jí aga, fí e è ma ná kpé wǔ ce ɖe ǎ é.