Popular Bible Verses from Ɖɛhan 24

Share

Davídi sín han. Mawu Mavɔmavɔ tɔn wɛ nyí ayǐkúngban ɔ́ kpó ayǐkúngban dɔkun lɛ́ɛ kpó. É tɔn wɛ nyí gbɛ ɔ́ kpó gbɛtɔ́ e ɖo gbɛ ɔ́ mɛ lɛ́ɛ kpó.

Mɛ̌ ká nyí axɔ́sú susunɔ énɛ́ ɔ́ tawun? Mawu Mavɔmavɔ Nǔbǐwúkpétɔ́ ɔ́ wɛ; é wɛ nyí axɔ́sú susunɔ ɔ́. Agbɔ̌n

Mɛ̌ wɛ sixú yi Mawu Mavɔmavɔ só ɔ́ jí? Mɛ̌ wɛ sixú nɔ tɛn mímɛ́ tɔn mɛ? Mɛ e ma nɔ wa nǔ nyanya ǎ, mɛ e ayixa tɔn mɛ́, mɛ e ma nɔ ɖó adingban ǎ, mɛ e ma nɔ xwlé nǔ dó blɛ́ mɛ ǎ ɔ́ wɛ.

Mɛ̌ wɛ nyí axɔ́sú susunɔ énɛ́ ɔ́? Mawu Mavɔmavɔ hlɔ̌nhlɔ́nnɔ, ahwanfuntɔ́ syɛ́nsyɛ́n ɔ́ wɛ; Mawu Mavɔmavɔ ahwanfuntɔ́ ɖaxó e nɔ ɖu ɖ'é jí ɔ́ wɛ.