Popular Bible Verses from Ɖɛhan 119

Share

Xó towe wɛ nyí zogbɛ́n e nɔ́ xlɛ́ fí e un ná tɛ afɔ é mì, é wɛ nyí wěziza ɖo ali ce jí.

Un hɛn nǔ e a ɖɔ lɛ́ɛ ayi mɛ, bó ma wá hu hwɛ dó we ó.

Mawu, è ɖo wǐnnyáwínnyá mɛ ɔ́, nɛ̌ è ka sixú bló gbɔn bó ná nɔ́ zán gbɛ ɖagbe? Xó towe jɛ́n è nǎ nɔ́ xwedó dó wa nǔ.

Nǔ nyɔ́ nú mɛ e nɔ nyi sɛ́n tɔn lɛ́ɛ, mɛ e nɔ ba ɛ kpó ayi yětɔn bǐ kpó lɛ́ɛ.

Hwi wɛ nyí bibɛtɛn ce, bó nyí gǎglónú ce, un ɖo te kpɔ́n xó e a nǎ ɖɔ é.

Nǎ nukúnnú mɔ jɛ nǔ mɛ mì, nú má hɛn sɛ́n towe bó nyi kpó ayi ce bǐ kpó.

Sɔ́ ayi ce ɖó sɛ́n towe lɛ́ɛ jí, ma sɔ́ ayi ce ɖó dɔkun jí ó.

Wǔvɛ́ e un mɔ é ɔ́, ɖagbe wɛ é nyí nú mì, énɛ́ wɛ zɔ́n bɔ un kplɔ́n tito towe lɛ́ɛ.

Un ɖo ya ji wɛ, adɔ ka gbó mì, ɖó akpá e a dǒ nú mì ɔ́ wɛ nɔ́ ná gbɛ mì.

Kplá mì gbɔn nǔ e a zɔ̌n lɛ́ɛ sín ali jí, ɖó nǔ e a zɔ̌n lɛ́ɛ wiwa nɔ́ víví nú mì.

Mawu Mavɔmavɔ, xlɛ́ ali e un ɖó ná gbɔn é mì nú má mlɛ́, bó nɔ jí káká sɔ́yi.

Akpɔ nɔ dó avǐ nu nú mì, zě mì sí te lě e a ɖɔ gbɔn é.

Un yí wǎn nú sɛ́n towe lóóo. É wú wɛ un nɔ lin tamɛ dó hwebǐnu.