Popular Bible Verses from Éksodo 9

Share

Pero Mi ta laga bo biba pa mustra bo mi poder i pa henter mundu haña sa ta ken Mi ta.

E ora ei SEÑOR a bisa Moises: ‘Bai bisa fárao: “SEÑOR, Dios di e hebreonan, ta ordená bo: Laga mi pueblo bai pa nan adorá Mi.

Mi por a manda pèst, kaba ku bo i bo pueblo for di riba mundu.

lo Mi laga bo bestianan den kunuku haña un pèst teribel. Kabai, buriku, kamel, baka, karné i kabritu lo muri. Wèl lo Mi hasi distinshon entre bestia di e egipsionan i esnan di e israelitanan. Ningun bestia di israelita lo no muri.” ’

P'esei mañan den e oranan akí lo Mi laga pipita di eis yobe riba Egipto, manera no a yobe nunka den henter historia di Egipto. Hiba bo bestianan i tur loke bo tin den kunuku paden pa nan ta for di peliger. Pipita di eis lo kai i mata tur loke keda pafó, sea ta hende òf bestia.” ’

E shinishi lo plama manera puiru riba henter Egipto i kousa serka hende i bestia blar grandi ku ta kibra bira yaga.’ Moises i Aaron a saka shinishi for di un fòrnu i a bai para dilanti di fárao. Moises a benta e shinishi den laria. Hende i bestia a keda tur na yaga.