Popular Bible Verses from Éksodo 2

Share

El a tende nan kehamentu. El a kòrda riba e aliansa ku El a sera ku Abraham, Isak i Yakob. Dios a mira nan sufrimentu i El a kai na nan pena.

Hopi aña a pasa i rei di Egipto a muri, pero e israelitanan a keda keha bou di nan sklabitut. Nan tabata sklama pa motibu di e trabou pisá i nan gritunan a yega te serka Dios.

Ora e yu a bira basta grandi, e mama a hib'é pa yu di fárao ku a adopt'é i a yam'é Moises pasobra el a bisa: ‘Mi a sak'é for di awa.’

Yu di fárao a bisa e mama: ‘Bai ku e yu akí i dun'é pechu pa mi. Lo mi paga bo loke ta toka bo.’ E mama a tuma e yu i a dun'é pechu.

Despues di poko ratu yu muhé di fárao a yega na e riu pa baña. Turesten e mucha muhénan ku tabata sirbié tabata kana bai bini kantu di riu. Diripiente el a mira e makutu den e yerbanan i el a manda un katibu muhé bai koh'é.

Un dia Moises, ku tabata hende grandi kaba, a bai bishitá su pueblo hebreo i a mira kon duru nan mester a traha. El a presensiá kon un egipsio tabata gòlpia un hebreo, un di su hendenan! El a wak bon rònt i ora el a mira ku no tabatin ningun hende, el a dal e egipsio mata i a skond'é den santu.