Popular Bible Verses from Nje Ke Rome 6

Share

Oiyo nyan kuge dè ji le kaiya è yo, nè nyan kuge noje le Nube ɓaa, è ndikumgajer sár se non takul kum ke j’umi nan’t bɔk se kuwe jéi Jésu-Krist.

Kaiya à on ɓee dè si’t lé ta, tede sei i ndii gir gute-ndu’t lé ta, nè i ndii gir noje’t le Nube.

Kule ke d’ule jèi manné njonm nga, è titeke dé dubu jèi se’n nan’t tɔ. Titeke ndɔ ke Bɔ’n ade unde’n loo tee’n dann njé ke koo’t se go tɔgmong le’n ke dum dè loo nga, jèi géa j’à j’undei loo teei le teli ndii kumgajer bè tɔ.

Inyei balkum ra sige adi ei nyan ra kule le nyan ra ke majelé nga lé. Nè tà le kade sei ke i tooi asinan se dooge ke undei loo teei dann njé ke koo’t teli ndii kumgajer bè. Inyei ra si sei kuwe bere mbak adi Nube ke nyan ra kule ke maje.

Jè ger titeke danra jéi ke mari nga, dé tɔl’n se Jésu nan’t kade kage-ke-dese’t le kade danra ke majelé ke ur sire tutu nga tel unde nang ndagja. Gir’n ke nè á jèi ɓerge le kaiya gugu lé ta.

Bè ɓaa, sei géa an-in ra si ke ninn dooge ɔje dè kaiya, nè an-in ra si ke dooge ke teli ndii kumgajer tede le Nube takul kum ke umi nan’t bɔk se Jésu-Krist.

Ké tà ri á j’à tami le tɔl’n ngang tàge nè nga wa? Ké j’à tami titeke dooge ke nange tami edi nè: Ade jè rai majelé kum jéi ke kété-kété tede kade kêmnoje le Nube in’n dè made’t ke kété-kété. Ḿ-m̀, è bè lé! Jèi nga, jèi dooge ke j’ebi ra jéi dè ra majelé’t: à ɓaa, ké j’à teli kulei ra jéi dann majelé’t mbiriri titeke bain taɓai wa?

Sei geri mbak: titeke nè á sei kuwe i rai ra si ɓer le kile koje dè doo karé’t ɓaa, sei ɓerge le doo nè nga kuwe. Doo ke ilei koje dènn’t nga è kuwe si. Ke nè á i rai ra si ɓer le kaiya ɓaa, kaiya à um sei tà yo’t. Ke né á i rai ra si ɓer le Nube ɓaa, Nube à ɔr tà dè si’t tede koje ke ilei dènn’t.

Ade jè rai Nube oiyo. Sei nga kété kaiya on ɓee dè si’t ade sei ɓerge le’n. Nè ɗarinè sei taai nyan ke dé ndó sei se ngarankêm si, ilei koje dè’t. Ɗarinè, d’ɔr sei ɓee ɓer’t le kaiya d’ade i ndii dè si pal le kade sei ɓerge le nyanra ke se dè naje’n ta.