Popular Bible Verses from Nje Ke Rome 4

Share

E naje se ra’n dè kunn-ndu’t le Nube nga lé. Takul kundekêm á è inge’n tɔge’n ile’n riɓar dè Nube’t. Abraham ger kêmn’t mbak titeke nyan ke Nube unn ndu’n le ra nga, Nube asekum ra tɔl mbas kuwe.

Dé ndang kêm Magtub’t le Nube d’ede nè: «I Abraham nga, m’teli ke bɔ dooge ke bulei ɗik-ɗik.» Abraham è bɔ jéi malang non Nube’t ke è unde kêm’n dènn’t. E Nube ke njè kade dooge ke weii teli ndii kumgajer a, nyange ke gotoi ɓai géa è ɓar de ade undei loo teei a tɔ.

Kuwe-ɓee le jéi Jésu nga, d’ule’n ji dooge’t d’ade tɔli nin tede ra majelége le jéi. E unde loo tee dann njé koo’t tede kade Nube ɔr’n tà dè jéi’t.

Nyan kunde kêm tchên dè’t le Abraham goto dè ɓugenn’t ta. Nè né è bè géa, è unde kêm’n tchên ke dè Nube’t. Gir’n ke nè á tel ee’n «bɔ girkoje dooge ke bulei ɗik-ɗik» se go tà ke ndɔ ke Nube ede’n ede nè: «Ngannkàige à bulei titeke bè tɔ.»

Titeke bè ɓaa, kunn-ndu nè nga tò ɔje dè kundekêm tede le kade è nyan-noje le Nube. Kunn-ndu nè nga tò njáng tede le ngannkà Abrahamge malang. Kunn-ndu nè nga è tede le njé ke ilei koje dè gute-ndu’t á se kar de lé, nè è tede le njé ke undei kêm de dè Nube’t tite bɔ jéi Abraham bè tɔ.

«Dooge ke Nube inye go nyanrage le de ke pás-pàs a, ade kêm’n tin mbit dè majelége’t le de a tɔ nga, ra de à nel de kuwe. Doo ke Kuwe-ɓee mbɔje go majelé le’n lé ɓaa, ra’n à nel’n kuwe.»

Ké tà ri á Magtub ke tò se ninn’n tam wa? E tam ede nè: «Abraham unde kêm’n dè Nube’t á Nube ɔr’n tà dènn’t.»