Popular Bible Verses from Nje Ke Rome 10

Share

Ke nè á tà tee tài’t ade i tam ndàt ede nè: Krist ke Nube ade unde loo tee dann njé ke koo’t nga è Kuwe-ɓee ɓaa, Nube à aji kerɔte kuwe.

Kunde ke j’undei ngarankêm jéi dè Nube’t á è ɔr’n tà dè jéi’t. Jè tami tà kundekêm le jéi se tà jéi ndàt á Nube aje’n jèi tɔ.

Tà ke Maje ke Krist unn ndu’n ade d’ile mber’n d’ade doo á è gir kade doo unde’n kêm’n dè Krist’t.

Kerɔte kuwe, Magtub le Nube tam ede nè: «Nanan ke unde kêm’n dè Nube’t ɓaa à ndi dann rasɔl’t ndan lé.» Bè ɓaa, ɗarinè tò gai le Juipge se njé ke ei Juipge lé goto ta. Nube karé bere á è Kuwe-ɓee le de malang. Dooge malang ke ɓari ri’n nga, è uwe se de noje se nyanbawge. Magtub ke tò se ninn’n tam ede nè: «Nanan ke ɓar ri Kuwe-ɓee ɓaa, Kuwe-ɓee à aje’n.»

Ke nè á d’ɔr dooge d’ule de lé ɓaa, ké à ilei mber Tà ke Maje nga titeke bain wa? Magtub ke tò se ninn’n tam ede nè: «Kan njékile mber Tà ke Maje loo njiye’t, è nyan ke maje dum: nja de mong nang tchai.»

Ke nè á doo unde kêm’n dè Kuwe-ɓee’t lé ɓaa, è à ɓar Kuwe-ɓee kade ra se’n titeke bain wa? Ke nè á doo oo tà le Kuwe-ɓee lé ɓaa, è à unde kêm’n dènn’t titeke bain wa? Ke nè á doo ile mber Tà ke Maje ade dooge lé ɓaa, ei à ooi tà le Kuwe-ɓee Nube titeke bain wa?

Krist è njè tɔl tà gute-ndu le Moise tede kade nanan ke unde kêm’n dè Jésu-Krist ɓaa, Nube à ɔr tà dènn’t.