Popular Bible Verses from Lookilera’n 8

Share

Loo ke Ngonn bate tutu tà nyankorji ke njèkon’t ji sejimute nga ɓaa, ká loo ke danrán tel pa keng ase ngann kàde kɔr-mute.

Doo ke danrán ke desêin dann njé ke ji sejimute’t nè nga kɔl burunju ɓaa, ke loon’t nè kuwe, ndi kɔtche ede se por a, se mese a tɔ, nan’t dè nang nè. Debe nang ke karé dann madege ke mute’t nga, por ró rák-rák. Walè ke tebe bere mbak géa por ró’n rák-rák a tɔ. Debe kagege karé dann madege ke mute nga géa, por ró de rák-rák a tɔ.

M’an loo gerer ɓaa, m’oo ká kiro ke nel bage aw dann danran’t danné bɔp. Kiro nè nga tam tà se ndu’n ke bòi bèng ede nè: «Sei dooge malang ke i ndii dè nang nè nga, a an-in ɓai! a an-in ɓai! loo ke dooge ke danrán ke mute ke nan-in à unni gir kɔli burunjuge le de!»

Loo ke doo ke danrán ke njèkon’t joo kɔl burunju ɓaa, d’ade nyan karé ke tanan se mbal ke bòi ke taa por bilm-bilm ɔr ɓarak oso dann ba-bò kate’t. Debe ba-bò kate karé dann madege ke mute’t tel mese.

Doo ke danrán ke njèkon’t mute kɔl burunju. Ke loon’t nè kuwe, kɔnyon ke bòi ke on por njoi-njoi tite lampe bè in danrán oso nang. Kɔnyon nè nga oso dè debe ba karé’t dann madege ke mute’t se dè ngur mannge’t a tɔ. Ri kɔnyon nè nga è Absinthe, ate karar. Debe mann ke karé dann madege mute’t tel ate karar. Dooge ngain weii tede kate ke mannge nè teli ati karar.

Loo ke doo ke danrán ke njèkon’t sɔ kɔl burunju ɓaa, debe kàde se nan se kɔnyonge ke karé dann madege ke mute’t ingei dò ade ndogó le de ke debe karé dann ke mute’t tel tuge ndul bigm. Ndogó le lookar se dann ndɔ ke karé dann madege ke mute’t teli tugei ndul bigm.