Popular Bible Verses from Lookilera’n 3

Share

An! m’nda tà kei’t nata m’unde tà kei. Ke nè á doo karé oo ndu’m á ɔr tà kei ade’m ɓaa, m’a m’aw kem̂ kei goon’t, m’a m’use se’n nyan a, è géa à use se’m nyan a tɔ.

M’ger pa njiyei mbak. M’ger titeke i sɔl lé a, olé lé a tɔ. Man ɓaa, m’ndinge kade i sɔl éké olé tá. A ɓaa, titeke i ɔbe jɔr karè anje kolé éké sɔl nga, m’a m’tɔmoin tam’t lɔtch kɔke.

Man ɓaa, dooge malang ke m’tár de nga, m’ndáng de a, m’um ndêin dè de’t a tɔ. Maje kade in kalang i tur hali.

M’ger pa njiyei mbak. An! m’teen tà rebe m’inye wei noin’t. Doo karé bè géa ase kutu tà rebe nè nga lé. Tɔgi è ndêin bè ade m’ger kuwe. Nè né è bè géa ile koje dè tà’t le’m, m i tam ede nè i ger’m lé lé.

Doo ke tête rɔ ɓaa, m’a m’ade à ndi se’m kutu-ngar’t le’m, titeke man géa m’tête’n rɔ ɓita m’aw m’ndi’n se Bɔ’m dè kutu-ngar’t le’n ɓai.

I tam ede nè: Man m’ee baw, nyankingege taai ra’m pel-pel, ndoo nyan karé bè géa ra’m ndan lé. Nè i ke njè nonkil, i dangte ke kumi tò ndoo, i ndoo ngain, i njèkumtɔ ke aw mburi suturu karè. Ké i ger bè lé wa?

Ndɔ ke m’unn ndu’m m’adi kade oré tài njak dè kundekem̂’t. Ɗarinè i an dè ndukunn le’m nga sêw-sêw; ɓaa, man géa, man m’ee der giri ndɔ nyantosowur’t. Kerɔte kuwe, nyantosowur à ree le nan dooge malang ke ndii dè nang nè.

Man m’ree kalang. Nyan ke tò jii’t nga, uwe mong-mong tede kade doo karé bè géa taa jɔkɔ tête rɔ lei nga aw’n lé.

Ute rai kalang, ade kundekem̂ lei ɓeɓer le kade gute nyanraige ke nan-in ke maji nga weii kɔke tɔ lé. Man m’an pa njiyei maje ɔr njêt tàkum Nube’t lem̂ lé.