Popular Bible Verses from Lookilera’n 22

Share

Man nga m’ee ke desêin a, ke ngeinn’t a tɔ. Man m’ee loo kunde gir nyan a, loo tɔl ngang nyan a tɔ.

Jésu ede nè: «Oo maje, man m’tel ree ngɔr. M’a m’aw se nyankuge dè ji le’m jim’t tede kuge’n dè ji dooge karé-karé malang se go kule ra de, ra de.

Ndil Nube se dinye ke njè ngaw kige nga tami edi nè: «I ree.» Doo ke oo tà nè ɓaa, maje kade tam ede nè: «I ree.» Doo ke kunde mann on’n ɓaa, maje kade ree taa mann an-in. Doo ke ndige taa mann kan-in ndii’n kumgajer ɓaa, à inge karé m à ndogo lé.

Njé ke togoi kubu le de ke bòi yul-yul nga, ra de à nel de kuwe. Ei asikum kuse kann kage ke doo à ndii’n kumgajer nga a, à asi kingei tà rebe kaw kem̂ ɓee-bò’t nè nga a tɔ.

Jésu ede nè: «Ooi maje, m’a m’tel ree ngɔr. Doo ke ngonm tà ke tà Nube’t ke dé ndang kem̂ magtub’t nè nga sêw-sêw ɓaa, ra’n à nel’n kuwe!»

Ndɔ à tel kil kem̂ ɓee-bò’t nè nga ndan lé ta. Ɓer kulege le Nube à awi ndoo ndogó le lampe éké le kàde nga lé ta. E Kuwe-ɓee Nube kuwe á è lookar le de a, d’a d’on ɓee sár se non.

Jésu ke njèkɔrgo tà nyange nè nga tam ede nè: «Oiyo, m’a tel ree ngɔr.» Maje kade è titeke bè kuwe, Kuwe-ɓee Jésu, i ree. Maje kade kem̂noje le Kuwe-ɓee Jésu nain se si malang.

Dooge malang ke ooi tàge ke tà Nube’t ke dé ndang kem̂ magtub’t nè nga, man Jean m’ede de ndàt: Ke nè á doo ile tà karé ke rang dann tàge nè ɓaa, Nube à ra se’n nyantosowur ke dé ndang tà’n kem̂ magtub’t nè nga ɓai. Ke nè á doo ɔr nyan karé dann tàge ke tà Nube’t ke tò kem̂ magtub’t nè ile ngang karé ɓaa, Nube à ɔge’n kuse kann kage ndikumgajer nè éké à ɔge’n kile nja’n kem̂ ɓee-bò ke tò se ninn’n ke dé ndang tà’n kem̂ magtub’t nè nga.