Popular Bible Verses from Nje Ke Philippes 4

Share

Adi kem̂ si tò kekek dè nyan karé’t lé, nè se ndɔge malang ɔji tà se Nube a, i deji nin nyange ke awi ndoo’n tɔ. I rai nin oiyo dè nyange malang ke i deji nin nga.

Kem̂lom le Nube ke dum dè tàgir malang à an-in ngang tàgirge le si ke dè ɓengre si’t sei malang ke umi nan’t bɔk se Jésu Krist.

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

M’asekum ra nyange nè malang takul Krist tede è ade’m tɔge’m.

I rai ranel se ndɔ si-ndɔ si tede k’ee ke sei le Kuwe-ɓee nga. M’tel m’ede sei, i rai ranel.

Nè Nube le’m à ade sei nyange malang ke awi ndoo’n kade dann nan ra si’t pe^-pe^ se go nyanbaw le’n ke à kile ra’n ke nata gir Jésu-Krist’t.

Nyan ke ndɔ ke m’ndó sei, nyan ke ndɔ ke ingei ram’t a, se nyan ke ndɔ ke ooi tà’n tàm’t éké nyan ke ndɔ ke an-in ram’t nga, i rai de se ndɔge malang. Nube ke njè kade dooge kem̂lom à nain se si.

Maje kade dooge malang geri sei loo kaw lom-lom le si. Kuwe-ɓee è ngɔr ta.

Man m’ger loo ndi dann ndoo’t a, loo ndi dann nyanbaw’t a tɔ. Se ndɔge malang se loo malang, m’ndó ger ndi dann ndann’t se dann ɓo’t, m’ndó ger ndi dann nyankinge’t bɔndum éké dann nyan ke nalm’t a tɔ.

M’tam tà nè bè tede nyan ke nal’m lé, tede m’ndó ger ndi se ranel dè nyan ke tò jim’t a, m’ndó ger ndi lom dann nyan ke rara ke tee dèm’t a tɔ.