Popular Bible Verses from Jacques 3

Share

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

Ké nan dann si’t á è njèkumkunju a, njègos nyanger a tɔ wa? Ke nè á njè kumkunju éké njègos nyanger è dann si’t ɓaa, maje kade ra nyange ke maje a, aw lom-lom a tɔ.

Dooge ke dubi kem̂lom dann made dege’t nga a ingei kann nyanra ke ɔje dè nyanra ke se dè naje’n nga tɔ.

Oiyo, Tede loo ke rara ke ra nan jang éké ra nan nin se naje nan tà tooi tutu nga, dooge awi dè nan’t kutri a, nyanrage ke majelé gai-gai in-in dè made’t ke kété-kété a tɔ.

Ndon jéi á jè ɗɔyi Kuwe-ɓee a, Bɔ jéi a tɔ. Ndon jéi ke karé nè kuwe á j’ubi se dooge ke Nube ra de adi taai nan se’n tcha-tcha a tɔ. Tà doo ke karé bere nè kuwe tee se ndutɔr a, tee se ndu mann a tɔ. Ngakonmge, i rai titeke bè lé gar-gar.

Ndon doo nga géa tò asenan se por bè tɔ. Ndon doo nga è kei ndi le nyanrage ke pás-pàs. Ndon jéi nga ube dann balkum ra jéige’t, nè ra ade danra jéi bere mbak tel mine tanm-tanm. Ndon doo nga è njè tee se tàge ke majelé tuju’n dookundege le Nube titeke kɔr por oso’n loo’t ró’n bè. Tàge ke majelé ke ndon doo tuju’n dooge nga in loo ke tur ke dooge à non-in se mann non kum de’t tutu.

Nè ndon doo nga, doo karé bè géa ase kon’n njanm-njanm kade tò kɔtch loo karé lé. Keng’n ke tɔl’n doo rusu ra’n tap-tap.

Ngakonmge, è soo’t kade dooge bule teli ei njé ndó nyan made dege lé. Sei geri mbak titeke tà ke d’a gang dè jéi jèi njéndó nyan made jéige’t nga à tur ngain dum le dooge ke rang.