Popular Bible Verses from 2 Nje Ke Corinthe 4

Share

Nyan ke doo an se kum’n á j’an-in ngɔde j’ɔje’n dè lé. Nè j’orè kum jé dè nyange ke doo asekum kan se kum’n lé. Tede nyange ke doo an se kum’n nga, ei nyange ke kò de à tò mbɔr lé. Nè nyange ke doo asekum kan se kum’n lé nga, ei nyange ke à tooi sár se non.

Gir’n ke nè á j’ade kêm jé tête’n mann lé. Ke nè á danra jé ke nata ayé jɔri géa, ngarankum ra jé tel in mande se ndɔge malang. Nyantosowur ke pêlêng ke ra jè ɗarinè nga à ɔje ndubra ke dum dè loo ndɔ ke rang ɓai.

Nyantosowurge gai-gai rai jè se loo malang kuwe, nè leri jè nang làr lé ɓai. Nyange gai-gai an-in dè jé king-king, nè kêm jé tête mann lé ɓai. Dooge ɔri jè kororoi kuwe, nè Nube inye jè lé ɓai. Dé tunde jè dé tile jè barak-barak, nè jè tuju lé ɓai.

Tà ke Maje nga, è nyanbaw ke gate’n è ngain. Nyanbaw nè nga j’oto kêm jó ke ɓann’t tede kade dooge geri tite tɔgmong ke dum dè loo nè nga in ra Nube’t m in ra jé jè’t lé.

Ke nè á Tà ke Maje le jé tò putru ɓila ɓai ɓaa, tò putru tede le njé kunn mbi dè tàge’t. Dé nè nga, Sú ke njèkonɓee dè nang nè tɔ kum de ɔge de kunde kêm de dè Krist’t. Gir’n ke nè á d’ase kan’n lookar le Tà ke Maje nga lé. E lookar le ndubra le Krist ke è kum gute tà Nube nga.

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.