Popular Bible Verses from 1 Jean 2

Share

Nang nè se nyange ke tooi tutu nga, undei de dann kum si’t lé. Ke nè á doo unde nang nè dann kumn’t ɓaa, è tár Bɔ jéi Nube nga lé. Nyange malang ke ei le nang nè nga á tooi nè: Kem̂kein le danra a, ngur kinge nyange malang ke kum jéi an a, ti ra ke ɔje dè nyankingege ke dè nang nè a tɔ nga, in-in ra Bɔ jéi Nube’t lé, nè ei in-in dè nang nè.

Nang se ngur nyange le’n malang ke ra dooge’t nga ndii à ndɔti kawi. Nè doo ke ra nyan ke kem̂ Nube ndige ɔr son’n njêt ɓaa à ndi kumgajer sár se non kuwe.

Nanan ke tam ndàt ede nè n’um nan’t bɔk se Nube ɓaa, gar-gar à njiye titeke ndɔ è Jésu njiye’n.

Ngannemge, m’ndang tà nyange nè m’ade sei tede kade i rai majelé kum si ke kété lé. Ke nè á doo karé ra majelé ɓaa, njè ra rebe tà le jéi ndi ra Bɔ jéi’t non ɓá ta. Njè ra rebe tà le jéi è Jésu-Krist ke Njè ra nyan se dè naje’n.

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

Ke nè á j’an-in dè ndukunnge le Nube sêw-sêw ɓaa, jè geri titeke jè geri Nube.

Doo ke ede nè n’ndi dann lookar’t nè ɔr ngokon’n njêt ɓaa, doo nè nga nain dann tilkus’t sár ɗarinè ɓai.

Doo ke naje se ra’n ede nè Jésu è Krist lé nga, ké è njè tà lanm lé ɓai wa? Doo ke titeke bè nga, è njè kɔse tà se Krist tede è naje se ra’n dè Bɔ jéi Nube’t a, dè Ngonnenn’t a tɔ.

Nanan ke naje se ra’n ede nè Jésu-Krist è Ngonn le Nube lé ɓaa, è naje se ra’n dè Bɔ jéi Nube’t a tɔ. Nanan ke tam ndàt ede nè Jésu è Ngonn Nube kerɔte ɓaa, è um nan’t bɔk se Bɔ jéi Nube nga ɓá ta.