Popular Bible Verses from Zakalíi 9

Share

Sinyɔ́ɔnu lɛ́ɛ mi, mi j'awǎ! Jeluzalɛ́munu lɛ́ɛ mi, mi j'awǎ kpó awǒbóbó kpó. Axɔ́sú mitɔn ɖíe ja gɔ̌n mitɔn e. Nǔjlɔ́jlɔ́watɔ́ ɖé wɛ, é ɖu ɖ'é jí. É sɔ́ éɖée hwe, é jínjɔ́n tócí ɖé jí, tócí ví ɖé jí.

É ná hɛn ahwankɛkɛ́ví e ɖo Eflayímu lɛ́ɛ gblé. É ná sú ahwansɔ́ e ɖo Jeluzalɛ́mu lɛ́ɛ sín kún dó. É ná wɛ́n da e yě nɔ́ dó fun ahwan ná lɛ́ɛ. É ná ná fífá akɔta lɛ́ɛ, bó ná kpa acɛ sín xu ɖě kɔn yi ɖěvo kɔn, é ná kpa acɛ sín Efláti tɔ ɔ́ kɔn, káká yi ayǐkúngban ɔ́ sín vivɔnu.

Hwenɛ́nu ɔ́, Mawu Mavɔmavɔ ná hwlɛ́n togun tɔn gán, lě e lɛ̌ngbɔ́nyitɔ́ nɔ́ hwlɛ́n kanlin tɔn lɛ́ɛ gán gbɔn é. Yě ná nɔ́ kɔ́n ɖo to ɔ́ mɛ awǐnnya xɔ akwɛ́ e ɖo axɔ́súgbákún wú lɛ́ɛ ɖɔhun.