Popular Bible Verses from Zakalíi 4

Share

Énɛ́ ɔ́, é lɛ́ yí xó bó tínmɛ nú mì ɖɔ: Wɛnsagun Mawu Mavɔmavɔ tɔn ɔ́ ɖɔ nú mì ɖɔ nyi ní ɖɔ nú Zolobabɛ́li ɖɔ: Xó e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “É nyí zǐngídi wɛ a nǎ nɔ́ dó wa nǔ ǎ, é ká nyí hlɔ̌nhlɔ́n towe ɖésú wɛ a nǎ nɔ́ dó wa nǔ ǎ, lo ɔ́, Yɛ ce sín hlɔ̌nhlɔ́n wɛ a nǎ nɔ dó wa nǔ.”

“Zogbɛ́n tɛ́nwe lɛ́ɛ ɔ́, Mawu Mavɔmavɔ sín nukún e ɖo ayǐkúngban ɔ́ bǐ cɔ́ wɛ lɛ́ɛ wɛ.” Đó mɛ e ná ɖɔ slǎmɛ xɔzɔ́ ɔ́ wú, hwenu e è nǎ jɛ azɔ̌ tɔn wú kpɛɖé kpɛɖé ɔ́ ná wá j'awǎ hwenu e Zolobabɛ́li ná gbá xɔ ɔ́ fó é.

“Zolobabɛ́li wɛ dó sinsɛnxɔ ɔ́ do, bó ká ná gbá yi fó.” Ényí nǔ cí mɔ̌ ɔ́, a nǎ tunwun ɖɔ Mawu Mavɔmavɔ Nǔbǐwúkpétɔ́ ɔ́ wɛ sɛ́ mì dó mi gɔ́n nǔgbó.