Popular Bible Verses from Hlɔ̌manu 9

Share

Hǔn, é nyí jló gbɛtɔ́ tɔn wɛ na zɔ́n bɔ Mawu ná kú nǔbláwǔ nú mɛ abǐ é ná nyɔ́ xomɛ dó mɛ wú ǎ; é ka nyí gǎndídó gbɛtɔ́ tɔn lɛ́ɛ wú wɛ ǎ. Lo ɔ́, Mawu e nɔ kú nǔbláwǔ nú mɛ ɔ́ wɛ.

Đó é ɖɔ nú Mɔyízi ɖɔ: “Un ná kú nǔbláwǔ nú mɛ e un jló ná kú nǔbláwǔ na é, bó ná nyɔ́ xomɛ dó mɛ e wú un jló na nyɔ́ xomɛ dó é.”

Hwi gbɛtɔ́ ɔ́, ani a ka nyí, bó ná dɔn nǔ xá Mawu? Kozɛ́n sixú kanbyɔ́ mɛ e bló é ɔ́ ɖɔ nɛ̌ ká gbɔn bɔ é bló émí gbɔn lě ají a?

Énɛ́ ɔ́, Mawu nɔ kú nǔbláwǔ nú mɛ e jló e ɔ́, bó nɔ bló bɔ mɛ e é jló ɖɔ é ní tlí tó ɔ́ nɔ húzú tótlítɔ́.

Zɛ̌nmɛtɔ́ sixú zé ko dó wa nǔ e jló é ná: ko ɖokpó e é nya ɔ́, é sixú zé dó mɛ zɛ̌n e è nɔ zán nú nǔjɔnǔ é; é ka sixú lɛ́ zé dó mɛ zɛ̌n e è nɔ zán nú nǔ yǎyá é.