Popular Bible Verses from Hlɔ̌manu 5

Share

Amɔ̌, Mawu ɖe lě e é yí wǎn nú mǐ sɔ́ ɔ́ xlɛ́ mǐ, ɖó hwenu e mǐ kpo ɖo hwɛhutɔ́ nyí wɛ ɔ́ wɛ Klísu kú dó ta mǐtɔn mɛ.

Nukúnɖíɖó énɛ́ ka nɔ flú mɛ ǎ, ɖó Mawu kɔn wǎn yíyí tɔn dó ayi mǐtɔn mɛ gbɔn Yɛsinsɛn e é ná mǐ ɔ́ jí.

Ée lɛ́ hú mɔ̌ ɔ́ wɛ nyí ɖɔ mǐ na bo ɖo wǔvɛ́ mɔ wɛ ɔ́, xomɛ nɔ hun mǐ, ɖó mǐ tunwun ɖɔ wǔvɛ́mimɔ nɔ ná bɔ è nɔ ɖó suúlu; bɔ suúluɖíɖó nɔ́ ná bɔ è nɔ dɛ ɖo tɛ́nkpɔ́n nu, bɔ didɛ ɔ́ nɔ́ ná bɔ è nɔ ɖó nukúnɖíɖó.

Hǔn, ée Mawu sɔ́ mǐ dó húzú hwɛjijɔnɔ gbɔn nǔɖiɖi gbla mɛ ɔ́, fífá ɖo mǐ kpo Mawu kpo tɛ́ntin, gbɔn Aklúnɔ mǐtɔn Jezu Klísu sín nǔwiwa lɛ́ɛ gbla mɛ. Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

Đó hwenu e mǐ ma kó ɖó gǎn ɖé ǎ ɔ́, Klísu kú dó mǐ mɛ e ma nɔ sí Mawu ǎ lɛ́ɛ tamɛ, ɖo hwenu e Mawu ɖó dó é.

Din ɔ́, Mawu sɔ́ mǐ dó húzú hwɛjijɔnɔ gbɔn hun Jezu tɔn e kɔn nyi ayǐ ɔ́ gbla mɛ. Hǔn é ɖo gannaganna ɖɔ Mawu ná lɛ́ hwlɛ́n mǐ gán ɖo xomɛsin tɔn kpó hwɛɖɔxámɛ tɔn kpó sí.

Đó lě e tónúmase gbɛtɔ́ ɖokpó géé tɔn zɔ́n bɔ gbɛtɔ́ gěgé húzú hwɛhutɔ́ ɔ́, mɔ̌ jɛ́n tónúsise gbɛtɔ́ ɖokpó géé tɔn zɔ́n bɔ gbɛtɔ́ gěgé húzú hwɛjijɔnɔ ɖo Mawu nukún mɛ.

Énɛ́ ɔ́ kɛ́ɖɛ́ ka wɛ ǎ; lo ɔ́, mǐ tlɛ lɛ́ ɖo awǎ jɛ wɛ ɖo Mawu mɛ gbɔn Aklúnɔ mǐtɔn Jezu Klísu e Mawu zé dó dó hwɛ gbɔ xá mǐ é jí.