Popular Bible Verses from Hlɔ̌manu 11

Share

Đó gɔ̌n tɔn wɛ nǔ bǐ gosín; é wɛ bló nǔ bǐ, bɔ nǔ bǐ nyí étɔn. Susu nú Mawu káká sɔ́yi. Amǐ!

Fɛ́nú Mawu tɔn d'agba lóóo! Nǔnywɛ́ tɔn kpó nǔtunwuntunwun tɔn kpó gɔ́ngɔ́n lóóo! Mɛ̌ ka sixú tín gbeta e é nɔ ɖe tɔ́n lɛ́ɛ é mɛ? Mɛ̌ ka sixú mɔ nukúnnú jɛ tito tɔn lɛ́ɛ wú?

Lě e Mawuxówéma ɔ́ ɖɔ gbɔn ɔ́ ɖíe: “Mɛ ɖěbǔ sixú tunwun linlin Aklúnɔ tɔn ǎ. Mɛ ɖěbǔ ka sixú kplɔ́n nǔ i ǎ.”

Mɔ̌ ɖokpó ɔ́, hwenu e mǐ ɖe din ɔ́, é lɛ́ kpo mɛ e Mawu cyán ɖo xomɛnyínyɔ́ tɔn mɛ ɔ́ kpɛɖé. Xomɛnyínyɔ́ tɔn wú wɛ é cyán yě; é nyí nǔ e yě wa lɛ́ɛ wú wɛ ǎ; é ma nyí mɔ̌ ǎ ɔ́, xomɛnyínyɔ́ Mawu tɔn sɔ́ na nyí xomɛnyínyɔ́ nǔgbó nǔgbó ǎ.

Togun Izlayɛ́li tɔn ɔ́ cí olívutín e è tun bó kpé nukún d'é wú, bɔ è jlǎ ala tɔn ɖé lɛ́ɛ ɔ́ ɖɔhun. Hwi mɛ e ma nyí Jwifu ǎ ɔ́, a cí olívutín gbě tɔn sín ala e è sɔ́ cá dó ala e è jlǎ lɛ́ɛ nu é ɖɔhun. Din ɔ́, hwi lɔ ɖo nǔɖuɖu ɖagbe e nɔ tɔ́n sín olívutín e è tun ɔ́ sín ɖɔ mɛ ɔ́ ɖu xá ɛ wɛ. Énɛ́ wútu ɔ́, a ɖǒ na gbɛ́ wǎn nú ala ɖě lɛ́ɛ ǎ. Nɛ̌ a ka sixú jlá ajɔ̌ nú hwiɖée gbɔn? Hwi wɛ hɛn ɖɔ lɛ́ɛ ǎ, lo ɔ́, ɖɔ lɛ́ɛ wɛ hɛn hwɛ.