Popular Bible Verses from Nǔɖexlɛ́mɛ 5

Share

Yě ɖo han yɔ̌yɔ́ ɖé ji wɛ ɖɔ: “A nyǐ mɛ e jɛ xá bó ná yí wěma ɔ́, bó gba wuntun lɛ́ɛ é; ɖó è hu we, bɔ gbɔn hun towe gbla mɛ ɔ́, a xɔ gbɛ nú gbɛtɔ́ lɛ́ɛ nú Mawu, ɖo gbe lɛ́ɛ bǐ mɛ, ɖo togun lɛ́ɛ bǐ mɛ, ɖo to lɛ́ɛ bǐ mɛ.

Yě zé gbe dó jǐ bó ɖo ɖiɖɔ wɛ ɖɔ: “Lɛ̌ngbɔ́ví e è hu ɔ́ wɛ nyí mɛ e é jɛ xá bɔ é ná yí acɛ, dɔkun, nǔnywɛ́, hlɔ̌nhlɔ́n, yɛ̌yi, susu kpó kpikpa kpó é.”

A sɔ́ yě dó bló axɔ́súɖuto, bó sɔ́ yě dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú yě ná wa azɔ̌ nú Mawu mǐtɔn, bó ná ɖu axɔ́sú ɖo ayǐkúngban jí.”

Un lɛ́ se nǔɖíɖó e ɖo jǐxwé lɛ́ɛ bǐ, ée ɖo ayǐkúngban jí lɛ́ɛ bǐ, ée ɖo ayǐkúngban glɔ́ lɛ́ɛ bǐ, ée ɖo xu mɛ lɛ́ɛ bǐ; nǔɖíɖó e gbɔn wɛ̌kɛ́zo ɛnɛ lɛ́ɛ mɛ lɛ́ɛ bǐ ɖo ɖiɖɔ wɛ ɖɔ: “Kpikpa, yɛ̌yi, susu, kpódó hlɔ̌nhlɔ́n kpó ní nyí mɛ e ɖo ayǐjínjɔ́n ɖo axɔ́súzinkpo ɔ́ jí é kpódó Lɛ̌ngbɔ́ví ɔ́ kpó tɔn káká sɔ́yi!”

Lo ɔ́, mɛxó lɛ́ɛ ɖokpó ɖɔ nú mì ɖɔ: “Ma ya avǐ ó, kpɔ́n: kinnikínní e ɖo akɔta Judáa tɔn mɛ, bó nyí axɔ́sú Davídi ví ɔ́ ɖu ɖ'é jí, bó ná gba wuntun tɛ́nwe lɛ́ɛ, bó ná hun wěma ɔ́.”