Popular Bible Verses from Malacíi 3

Share

Mawu Mavɔmavɔ Nǔbǐwúkpétɔ́ ɔ́ ɖɔ: ‘Mi hɛn mǎɖówǒ lɛ́ɛ gbesisɔ tɔn wá sinsɛnxɔ ce mɛ, bónú nǔɖuɖu ná tíin ɖo xwé ce gbe. Mi bló gbɔn mɔ̌ bó dó tɛ́n mì kpɔ́n, bó ná kpɔ́n ɖɔ un ma ná hun sɛ́xwé hɔn lɛ́ɛ ɖó nuvo nú mi a jí; un ma ná kɔn nyɔ̌ná dó mi jí bɔ é ná túnflá a jí.

Un ná sú ali dó nǔvínúví lɛ́ɛ bɔ yě ná ɖu nǔ e mi dó lɛ́ɛ ǎ; bɔ vǐwuntín mitɔn lɛ́ɛ ná gɔn sínsɛ́n ǎ. Akpá tɔn wɛ un dó nú mi. Akɔta lɛ́ɛ bǐ ná nɔ́ ylɔ́ mi ɖɔ nyɔ̌nánɔ, ɖó to mitɔn ná nyí awǎjijɛ sín to.’ ” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Bɔ Mawu Mavɔmavɔ Nǔbǐwúkpétɔ́ ɔ́ ɖɔ: “Gbe e gbe un ná ɖe hlɔ̌nhlɔ́n ce xlɛ́ ɔ́, un ná zé mɛ énɛ́ lɛ́ɛ dó ɖó mɛ ce ná. Yě ná nyí togun ce, un ná nyɔ́ xomɛ dó yě wú lě e tɔ́ nɔ́ nyɔ́ xomɛ dó vǐ e nɔ́ sɛn ɛ ɔ́ wú gbɔn é. Mi ná lɛ́ vɔ́ mɔ vogbingbɔn e ɖo hwɛjijɔnɔ lɛ́ɛ kpódó mɛdídá lɛ́ɛ kpó tɛ́ntin é, vogbingbɔn e ɖo mɛ e nɔ sɛn mì kpó mɛ e ma nɔ sɛn mì ǎ lɛ́ɛ kpó tɛ́ntin é.”

Xósin e Mawu Mavɔmavɔ Nǔbǐwúkpétɔ́ ɔ́ ná mi ɔ́ ɖíe: “Un sɛ́ wɛnsagun ce dó, bɔ é ná bló ali ce ɖó. Mawu Mavɔmavɔ e ba wɛ mi ɖe ɔ́ ná wá sinsɛnxɔ tɔn mɛ ɖo ajijimɛ. Wɛnsagun e nɔ te kpɔ́n wɛ mi ɖe ɔ́ ná jlá akɔ ce e un ná jɛ xá mi ɔ́ sín xó. Éɖíe, é jǎwe.