Popular Bible Verses from Jozuwée 23

Share

Nyɛ ɔ́, zaanɖé din ɔ́, un ná yi fí e nǔ e mɔ hwe lɛ́ɛ bǐ ná yi é. Mi ní ka tunwun kpó ayi mitɔn bǐ kpó, kpódó lǐndɔ̌n mitɔn bǐ kpó ɖɔ Mawu Mavɔmavɔ, Mawu mitɔn kún gɔn akpá e é dó nú mi lɛ́ɛ ɖěbǔ ɖe ó; bǐ wɛ é ɖe káká yi fó.

Mi bo cɔ́ miɖée ganjí, bó yí wǎn nú Mawu Mavɔmavɔ, Mawu mitɔn.

Mɛ ɖokpó géé sí te ɖo mi mɛ ɔ́, é nɔ nya kɛntɔ́ afatɔ́n dó wezun nu, ɖó Mawu Mavɔmavɔ, Mawu mitɔn wɛ fun ahwan nú mi lě e é dó akpá tɔn nú mi gbɔn é.

Mawu Mavɔmavɔ, Mawu mitɔn kɛ́ɖɛ́ wú wɛ mi ná tɛ́ dó lě e mi ko bló gbɔn káká jɛ din é.

Amɔ̌, mi hɛn dó ayi mitɔn mɛ syɛ́nsyɛ́n ɖɔ nǔ e è wlǎn dó sɛ́nwéma Mɔyízi tɔn mɛ lɛ́ɛ ɔ́, mi ná xwedó bǐ, bó ná wa nǔ lě e sɛ́n ɔ́ zɔ́n gbɔn é, ma yi ɖisí ma yi amyɔ.