Popular Bible Verses from Jozuwée 10

Share

Bɔ hwe nɔ te, bɔ sun nɔ te cúɖúɖú káká bɔ Izlayɛ́li ví lɛ́ɛ ɖu ɖo kɛntɔ́ yětɔn lɛ́ɛ jí, lě e è wlǎn gbɔn ɖo “Nǔjlɔ́jlɔ́watɔ́ wéma” ɔ́ mɛ é; é wlǎn d'é mɛ ɖɔ: “Hwe nɔ te ɖo jǐnukúnsin tɛ́ntin, bó sɔ́ sɛ tɛn ǎ káká nú azǎn ɖokpó.”

Gbe e gbe Mawu Mavɔmavɔ jó Amɔliti lɛ́ɛ nú ahwangɔnu Izlayɛ́li ví lɛ́ɛ tɔn ɔ́, Jozuwée byɔ́ nǔɖé Mawu Mavɔmavɔ ɖo Izlayɛ́li ví lɛ́ɛ bǐ nukún mɛ. É sú xó bó ɖɔ: “Hwe, nɔ te ɖo Gabawɔ́ɔn ta nu! Sun, nɔ xwíí ɖo Ayalɔ́ni sín tɔdo ɔ́ ta nu!”

Azǎn mɔ̌hunkɔtɔn ɖě kó tíin kpɔ́n ɖ'ayǐ ǎ, ɖě ká lɛ́ wá tíin kpɔ́n gbeɖé, bɔ Mawu Mavɔmavɔ wa nǔ lě e gbɛtɔ́ byɔ́ gbɔn ɔ́ ǎ. Mawu Mavɔmavɔ ɖésú wɛ fun ahwan nú Izlayɛ́li ví lɛ́ɛ.

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó; un ná jó yě nú we. Yě mɛ ɖokpó ná sixú nɔ te nukɔn towe ǎ.”

É lɛ́ ɖɔ nú yě ɖɔ: “Mi ma ɖi xɛsi ó, ado ní má hu mi ó! Mi kpan akɔ́n bó dó gǎn, ɖó lě e Mawu Mavɔmavɔ ná wa nǔ xá kɛntɔ́ e mi ná fun ahwan xá lɛ́ɛ bǐ gbɔn é nɛ́.”