Popular Bible Verses from Hwɛɖɔtɔ́ 6

Share

Wɛnsagun Mawu Mavɔmavɔ tɔn wá tɔ́n dó jǐ tɔn, bó ɖɔ n'i ɖɔ: “Ahwanfuntɔ́ akowunká, Mawu Mavɔmavɔ ɖo kpɔ́ xá we!”

Mawu Mavɔmavɔ ka lílɛ́ kpan nukɔn Jedenyɔ́ɔ bó ɖɔ n'i ɖɔ: “Yi hwlɛ́n Izlayɛ́li ví lɛ́ɛ sín Madiáani ví lɛ́ɛ sí kpó hlɔ̌nhlɔ́n e a ɖǒ ɔ́ kpó; nyɛ wɛ sɛ́ we dó.”

Énɛ́ ɔ́, Mawu Mavɔmavɔ ɖɔ n'i ɖɔ: “Un ná ɖo kpɔ́ xá we, énɛ́ ɔ́, a nǎ ɖu ɖo Madiáani ví lɛ́ɛ jí gbɛtɔ́ ɖokpó géé wɛ yě nyǐ ɖɔhun.”

Jedenyɔ́ɔ ɖɔ n'i ɖɔ: “Aklúnɔ ce! Ényí Mawu Mavɔmavɔ ɖo kpɔ́ xá mǐ ɔ́, nɛ̌ ká gbɔn bɔ nǔ énɛ́ lɛ́ɛ bǐ jɛ dó mǐ jí? Azɔ̌jíwǔ e sín xó tɔ́ mǐtɔn lɛ́ɛ nɔ́ ɖɔ nú mǐ, bó nɔ́ ɖɔ Mawu Mavɔmavɔ ɖe émí tɔ́n sín Ejípu ɔ́, fítɛ́ nǔ énɛ́ lɛ́ɛ bǐ ká ɖe? È nǎ ɖɔ nǔgbó ɔ́, Mawu Mavɔmavɔ jó mǐ dó; é jó mǐ nú Madiáani ví lɛ́ɛ.”

Jedenyɔ́ɔ ka ɖɔ n'i ɖɔ: “Aklúnɔ ce, kɛnklɛ́n! Nɛ̌ un ná sixú hwlɛ́n Izlayɛ́li ví lɛ́ɛ gbɔn? Hɛ̌nnu ce wɛ nyí hɛ̌nnu e ɖo gǔdo bǐ ɖo akɔta Manasée tɔn ɔ́ mɛ é; nyɛ wɛ ka nyí yɔkpɔ́vú bǐ ɖo xwédo ce mɛ.”

Wɛnsagun Mawu Mavɔmavɔ tɔn wá gletoxo e è nɔ ylɔ́ ɖɔ Ɔfla ɔ́ mɛ. É jínjɔ́n cɛ́nitín ɖé sá; atín énɛ́ ɔ́ ɖo Yoaci e ɖo Aviɛzɛ́ɛ hɛ́nnu mɛ ɔ́ sín ayǐkúngban jí. Jedenyɔ́ɔ Yoaci ví ɔ́, ɖo jinukún só wɛ ɖo to e mɛ è nɔ li vǐwun ɖe ɔ́ mɛ, bónú Madiáani ví lɛ́ɛ ní má mɔ ɛ ó.

Énɛ́ ɔ́, Jedenyɔ́ɔ bló vɔ̌sákpe ɖokpó ɖó fínɛ́ nú Mawu Mavɔmavɔ, bó ylɔ́ fí énɛ́ ɔ́ ɖɔ: “Mawu Mavɔmavɔ nɔ ná fífá mɛ.” Vɔ̌sákpe énɛ́ ɔ́ kpo ɖo fínɛ́ káká jɛ din ɖo Ɔfla, gletoxo hɛ̌nnu Aviɛzɛ́ɛ tɔn ɔ́ tɔn mɛ.

Jedenyɔ́ɔ ɖɔ n'i ɖɔ: “Ényí nǔ ce nyɔ́ nukún towe mɛ nǔgbó hǔn, nǎ xlɛ́ ɖé mì nú má dó tunwun ɖɔ hwi Mawu Mavɔmavɔ ɔ́ wɛ ɖo xó ɖɔ nú mì wɛ

Lo ɔ́, Mawu Mavɔmavɔ ɖɔ n'i ɖɔ: “Fífá ní nɔ kpɔ́ xá we; ma ɖi xɛsi ó; a nǎ kú ǎ.”

Izlayɛ́li ví lɛ́ɛ lɛ́ wa nǔ e má nyɔ́ Mawu Mavɔmavɔ nukún mɛ ǎ é. Énɛ́ ɔ́ wú wɛ Mawu Mavɔmavɔ jó yě nú Madiáani ví lɛ́ɛ xɔ xwe tɛ́nwe.