Popular Bible Verses from Jaki 4

Share

Hǔn, mi bo hwíhwɛ́ miɖée ɖó Mawu glɔ́; mi ló dǒ ɖo awǒvi nukɔn; énɛ́ ɔ́, é ná hɔn yi zɔ nú mi.

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!

Mi sɔ́ miɖée hwe ɖo Aklúnɔ nukɔn, énɛ́ ɔ́ é ná sɔ́ mi su.

É ɖo mɔ̌ có, é nɔ lɛ́ ná fɛ́nú e hú gǎn mɔ̌ ɔ́ mǐ; ɖó Mawuxówéma ɔ́ ɖɔ: “Mawu nɔ gbɛ́ goyítɔ́ lɛ́ɛ sín xó; lo ɔ́, é nɔ ná fɛ́nú mɛ e nɔ sɔ́ yěɖée hwe lɛ́ɛ.”

Énɛ́ ɔ́, mɛ e tunwun nǔ ɖagbe e é ɖó ná wa ɔ́, bó ma ka nɔ wa ǎ ɔ́, hwɛ hu wɛ é ɖe.

Mi na bo byɔ́ ɔ́, mi nɔ mɔ ǎ, ɖó ayixa nyanya wɛ mi nɔ dó byɔ́: nǔ e byɔ́ wɛ mi ɖe ɔ́, mi jló ná zán nú mi ɖésúnɔ sín gbɛɖuɖu.

Nǔ gbejímánɔ-númawutɔ́ élɔ́ lɛ́ɛ! Mi tunwun ɖɔ è zun xɔ́ntɔn xá gbɛ ɔ́, Mawu sín kɛntɔ́ wɛ è nyǐ ǎ cé? Mɛ e jló ná nyí gbɛmɛ fí sín nǔ lɛ́ɛ sín xɔ́ntɔn ɔ́ nɔ sɔ́ éɖée dó húzú Mawu sín kɛntɔ́.

Mi tunwun nǔ e gbɛ mitɔn ná nyí sɔ ɔ́ ǎ! Nǔgbó ɔ́, ahǔn e nɔ sú nú hwenu kpɛɖé, bɔ zaanɖé kpowun ɔ́, é nɔ hɔ́n ɔ́ ɖɔhun wɛ mi cí.