Popular Bible Verses from Eblée 6

Share

Nukúnɖíɖó énɛ́ ɔ́ nɔ hɛn lǐndɔ̌n mǐtɔn syɛ́nsyɛ́n, lě e gandótɔnu nɔ hɛn tɔjíhún syɛ́nsyɛ́n ɖó te gbɔn é. Nukúnɖíɖó énɛ́ ɔ́ wɛ nyí gǎnjɛwú; é lí dǒ; é wɛ nɔ xo avɔ ɖaxó e è dǒ gbo sinsɛnxɔ sɛ́xwé tɔn mɛ ná ɔ́ zlɛ́ bó nɔ dín yi tɛn mímɛ́ bǐ e ɖo sinsɛnxɔ ɔ́ mɛ ɔ́ mɛ.

Mawu nɔ dó hwɛ agɔ ǎ; é ná wɔn azɔ̌ e mi wa é ǎ; wǎn yíyí e mi ɖe xlɛ́ ɛ gbɔn alɔ e mi dó nɔví klísusɛntɔ́ lɛ́ɛ é gbla mɛ, bó ka lɛ́ kpo ɖo dǐdó yě wɛ ɔ́, é ná wɔn ǎ.

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

Hǔn, mi bo nú mǐ ná yi nukɔn, bó dín zɛ nǔkplɔ́nmɛ nukɔn nukɔntɔn e ɖɔ xó dó Klísu wú lɛ́ɛ wú, bó jɛ nǔ e è nɔ kplɔ́n mɛ e ko su ɖo nǔɖiɖi mɛ lɛ́ɛ ɔ́ kplɔ́n jí. Nǔ e jí nǔkplɔ́nmɛ énɛ́ ɔ́ jínjɔ́n lɛ́ɛ ɖěvo wɛ mǐ ná lɛ́ vɔ ɖ'ayǐ ǎ; yě wɛ nyí ɖɔ: é ɖo dandan mɛ ɖɔ è nǐ lɛ́ kɔ sín azɔ̌ e ma nyí nǔɖé wa nú ǎ lɛ́ɛ gúdo, bó ɖi nǔ nú Mawu