Popular Bible Verses from Eblée 1

Share

É wɛ nyí susu Mawu tɔn sín wěziza sín xlɛ́, bó nyí Mawu sín xlɛ́ titewungbe tɔn. É sɔ́ xó tɔn hlɔ̌nhlɔ́nnɔ ɔ́ dó hɛn gbɛ ɔ́ ɖó te. Ée é lɛ gbɛtɔ́ lɛ́ɛ wé sín hwɛ yětɔn lɛ́ɛ mɛ gúdo ɔ́, é jínjɔ́n Mawu e nyí hlɔ̌nhlɔ́n bǐ nɔ ɔ́ sín ɖisíxwé ɖo sɛ́xwé.

Đ'ayǐ xóxó ɔ́, Mawu gbɔn gbeyíɖɔ lɛ́ɛ jí, bó ɖɔ xó nú tɔ́gbó mǐtɔn lɛ́ɛ azɔn mɔ̌kpán gbɔn alɔ gěgé mɛ. Amɔ̌, ɖo azǎn élɔ́ lɛ́ɛ, éé ɖo azǎn gǔdo gúdo tɔn nyí wɛ lɛ́ɛ mɛ ɔ́, é ɖɔ xó nú mǐ gbɔn vǐ tɔn jí; é jí wɛ Mawu ɖó gbɛ ɔ́ gbɔn; é wɛ Mawu sɔ́, bó zé nǔ lɛ́ɛ bǐ dó así ná.

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

É lɛ́ ɖɔ: “Aklúnɔ, hwi wɛ ɖó ayǐkúngban ɔ́ ayǐ sín do, bɔ jǐxwé ɔ́ nyí alɔ towe núwiwa. Nǔ énɛ́ lɛ́ɛ bǐ ná vɔ; hwɛ ka ná ɖe tɛgbɛ; yě ná dóxó avɔ ɖɔhun.