Popular Bible Verses from Bǐbɛ́mɛ 45

Share

Amɔ̌, din ɔ́, énɛ́ kó wá yi; ado ní má hu mi ó. Sa e mi sa mì bɔ è kplá mì wá fí ɔ́ ní má vɛ́ nú mi ó. Mawu wɛ sɛ́ mì dó fí jɛ nukɔn nú mi, bónú má hwlɛ́n mi gán.

Hǔn mi wɛ zɔ́n bɔ un wá fí ǎ, Mawu wɛ zɔ́n bɔ un wá fí. É wɛ sɔ́ mì dó ɖó gǎn hɔn-yitɔ́ gán nú axɔ́sú ɔ́, bɔ un kpa acɛ dó axɔ́sú ɔ́ sín hɔn nu, bó ɖo Ejípu to ɔ́ bǐ nu.

Mawu sɛ́ mì dó fí jɛ nukɔn nú mi, bónú mi ná gán ɖo to ɔ́ mɛ; é sɛ́ mì dó bónú má hwlɛ́n mi mɛ gěgé gán.

É lɛ́ ɖɔ nú yě ɖɔ: “Mi sɛkpɔ́ mì, mi wá”, bɔ yě sɛkpɔ́ ɛ, bɔ é ɖɔ: “Nyɛ wɛ nyí nɔví mitɔn Jozɛ́fu e mi sa, bɔ è kplá yi Ejípu é.

Adɔ tɔ́n ɖo to ɔ́ mɛ din ɔ́, xwe we ɖíe; amɔ̌, é lɛ́ kpo xwe atɔ́ɔ́n sín gǔdo din bɔ è nǎ sixú lɛ gle ǎ, è nǎ ya nǔkún ǎ.

Jozɛ́fu ɖɔ nú nɔví tɔn lɛ́ɛ ɖɔ: “Nyɛ wɛ nyí Jozɛ́fu ɔ́. Tɔ́ ce kpo ɖo gbɛ a?” Lo ɔ́, nɔví tɔn lɛ́ɛ sixú yí gbe n'i ǎ, ɖó ayi yětɔn gbadó.